Иргэний оролцооны тухай хуулийн төслийн хэлэлцүүлэг
- Details
- Category: Иргэний оролцооны хэлтэс
- Hits: 939
Иргэний оролцооны тухай хуулийн төслийн хэлэлцүүлэгт идэвхитэй оролцно уу.
Иргэний оролцооны тухай хуулийн төсөл болон хэлэлцүүлэгт энд дарж орно уу.
Модератор-Идэвхжүүлэгч бэлтгэх 2 дахь удаагийн сургалтандаа урьж байна.
- Details
- Category: Иргэний оролцооны хэлтэс
- Hits: 1636
НИТХ-ын Ажлын албаны Иргэний оролцооны хэлтсээс төрийн бодлого шийдвэрт иргэдийн оролцоог ханган ажиллах зорилгын хүрээнд зохион байгуулан явуулж байгаа сургалтын зорилго нь төрийн бодлогод иргэдийн саналыг тусгах ажлыг бодитоор нь хэрэгжүүлэх, иргэдийн идэвх санаачлагыг нэмэгдүүлэх үйл хэрэгт хувь нэмрээ оруулан ажиллах боломжийг иргэн танд бид сургалтаараа нээлттэй болгож байна. Сургалтыг их дээд сургуулийн эрдэмтэн, профессорууд хөтлөн явуулна.
Сургалтанд дараахь шаардлагыг хангасан иргэдийг бүртгэнэ.
- Улаанбаатар хотын харъяалалтай
- Дээд боловсролтой
- 28-аас дээш насны
Сургалт 2013 оны 3-р сарын 11-15-ны өдрүүдэд явагдана.
Тус сургалтанд 45 иргэн хамрагдах боломжтой, оролцогчдыг Нийслэлийн иргэний танхимд 2013 оны 3-р сарын 5-9-ийг дуустал бүртгэнэ.
Улаанбаатар хот, Сүхбаатар дүүрэг, 8-р хороо, Лхагвасүрэнгийн гудамж, 2-р давхарт, №213, утас : 70110292, 70110202, 70119921, факс : 70120292, email : This email address is being protected from spambots. You need JavaScript enabled to view it.
Сар шинийн золголт
- Details
- Category: Иргэний оролцооны хэлтэс
- Hits: 916
Нийслэлийн Иргэдийн Төлөөлөгчдийн Хурлынхан Билгийн тооллын XVII жарны Тийн ялгуусан хэмээх усан могой жилийн шинийн гуравны билэгт өдөр Хангарьд ордонд золгоцгоолоо. Нийслэлийн харъяа газар, алба агенлагийнхан оролцсон сар шинийн золголтод үе үеийн хотын дарга нарыг урин авчирсан нь урьд өмнө болж байгаагүй онцлог үйл явдал болсон байна. Хотын ахмад дарга нар хотын удирдлагуудад талархлаа илэрхийлж, хийж бүтээхээр эхлүүлсэн ажилд нь амжилт хүслээ.Гэр хорооллын дахин төлөвлөлтийг иргэдтэй хэлэлцэнэ
- Details
- Category: Иргэний оролцооны хэлтэс
- Hits: 1329
Нийслэл Улаанбаатар хотын экологийн тэнцвэрт байдлыг хангах, хот байгуулалтын зөв бүтэц, хотын оршин суугчдын эрүүл аюулгүй орчинд амьдрах нөхцлийг бүрдүүлэх зорилгоор гэр хорооллын хэд хэдэн хэсэгт хэсэгчилсэн төлөвлөгөөг урьдчилсан байдлаар боловсруулжээ. Улаанбаатар хотын 2020 он хүртэлх ерөнхий төлөвлөгөөнд эхний ээлжинд VII хороолол, Дэнжийн мянга, Радио телевизийн орчмын гэр хорооллыг дахин төлөвлөлтөнд оруулахаар тусгасан байсан бөгөөд эдгээр газрууд дээр нэмэгдэн дахин 7 байршилд гэр хорооллын газрыг дахин төлөвлөхөөр урьдчилсан байдлаар зураг төслийг гаргажээ. Эхний ээлжийн төлөвлөлтөнд орж байгаа долоон газрын байршлийг танилцуулахад, Сонгинохайрхан дүүрэг, Ханын материал орчмын 130 га газар, мөн тус дүүргийн 10-р хороо, Арьс ширний ажилчдын нийтийн байрны орчим оршин суугчдын 2,3 га газар, Сүхбаатар дүүргийн 15-р хороо Дамбадаржаа орчмын гэр хорооллын 13 га газар, Чингэлтэй дүүргийн 13, 15 дугаар хорооны 72 дугаар сургуулийн орчим гэр хорооллын 15 га газар, Чингэлтэй дүүргийн 7-р хороо, МҮОНРТ орчмын 11,4 га газар, Баянзүрх дүүргийн 12-р хороо, Амгалан орчмын 15 га газар, Баянзүрх дүүргийн 8, 16 дугаар хороо, Цэргийн их сургуулийн орчим 93 га газарт төлөвлөлт хийхээр сонгожээ.
Гэр хорооллын газарт дахин төлөвлөлт хийж барилгажуулах эхний ээлжийн төлөвлөлт
- Details
- Category: Иргэний оролцооны хэлтэс
- Hits: 6750
Улаанбаатар хотын гэр хороололд суурьшиж буй 184.2 мянган айл өрх, гэр хороолол дахь сургууль, цэцэрлэг, эмнэлэг, хувийн хэвшлийн аж ахуйн нэгжийг дулаанаар хангаж буй халаалтын зуухнаас гарч буй утаа, тортог агаарын бохирдлын 60 гаруй хувийг эзэлж байна.
Өнгөрсөн жилүүдэд хотын агаар, хөрс, усны бохирдлыг бууруулах олон талт арга хэмжээг хэрэгжуүлж байгаа хэдий ч бодитой үр дүн бага байна.
Иймд Улаанбаатар хотын экологийн тэнцвэрт байдал, хот байгуулалтын зөв бүтэц, хотын оршин суугчдын эрүүл, аюулгүй орчинд амьдрах нөхцлийг бүрдүүлэх оновчтой бодлого нь газар өмчлөгч, эзэмшигч иргэн, хуулийн этгээдийн оролцоотойгоор гэр хорооллыг дахин төлөвлөх замаар инжөнөрийн төвлөрсөн болон хэсэгчилсэн хангамжтай орон сууцны хороолол болгон хөгжүүлэх явдал юм.